mércores, 30 de abril de 2014

PUBLICACIÓN E VIAXE DO LIBRO DA RISA






PARQUE INFANTIL DE TRÁFICO

Hoxe, ás 10.30 horas da mañá, o alumnado das aulas 4 e 10, arrancaron en autobus dirección ao pavillón da Expourense, onde os agardaban os encargados da actividade, Parque Infantil de Tráfico, do Concello e de Tráfico.
Alí, despois dos saúdos e presentacións correspondentes, Sinda, Fina, Manuel e Celso, acompañaron ao alumnado recorrendo o circuíto (maqueta dunha cidade coas súas rúas e sinais) a pé, exlicándolles os distintos sinais que tiñan que respectar ao longo do circuíto en bicicleta e cars.
A continuación unha mostra da actividade.


luns, 28 de abril de 2014

ACTIVIDADES SEMANA DO LIBRO III

ALUMNADO AULA 1 VISITA A EXPOSICIÓN DO RECUNCHO

GRAZAS POLA VOSA VISITA!! 

ACTIVIDADES SEMANA DO LIBRO II

PUBLICACIÓN "LIBRO DO MEDO" E A SÚA VIAXE POLAS AULAS
E continuamos coas tarefas da Semana do Libro.
Hoxe deixamos a presentación dunha nova creación, que aínda que comezou no primeiro trimestre non fora publicada, "O Libro do Medo". E a súa viaxe polas aulas, onde cada titor o leu co seu alumnado.
Aproveitamos para recordarvos que a exposición no noso recuncho segue aberta en horario escolar, de 10 a 17 horas.
Un saúdo de Perico e Piruleta.




venres, 25 de abril de 2014

ACTO DÍA DO LIBRO:PRESENTACIÓN CONTO ADAPTADO

Onte, 23 de abril, como actividade eixe do día do Libro no noso Centro, celebrouse un acto no que se presentou o Conto adaptado, "A Ratiña presumida", que ao longo do trimestre, profesorado e alumnado estiveron a realizar, con textos en pictogramas e diferentes texturas, ademais dos traxes para caracterizar ao rato cos distintos oficios. Pois os namorados deste conto están representados polos distintos oficios (xastre, zapateiro, ferreiro, albanel, granxeiro, carpinteiro e o rato namorado).
A continuación queda unha presentación en imaxes deste acto.


xoves, 24 de abril de 2014

EXPOSICIÓN NA BIBLIOTECA

Hoxe, 23 de abril, Día do Libro, arrancou no CEE Miño o programa de actividades para esta semana e a vindeira.
Hoxe quedou aberta a exposición na Biblioteca, este ano co lema: "ENTRA, EXPLORA, EXPERIMENTA, EMOCIONATE NO RECUNCHO DE PERICO"
Deixamos unha mostra para que vos animedes a visitar o noso recuncho.


EXPOSICIÓN DÍA DO LIBRO 14 - Movie Maker

Ao longo da mañá O Recuncho de Perico viaxou polas aulas, hoxe coa primeira das creacións deste curso, o conto "Corre, corre cabaciña". E rematamos a mañá coa presentación da derradeira creación, o Conto Adaptado "A Ratiña presumdida".



martes, 22 de abril de 2014

PROGRAMA ACTIVIDADES DÍA DO LIBRO

ARRANCA O 3º TRIMESTRE

Mañá, día 22 de abril, dá comezo o 3º Trimestre, e comezamos cunha celebración moi importante  para o noso Recuncho. 
O mércores, 23 de abril, celébrase o Día Internacional do Libro e dereitos de Autor. (Información ofrecida pola Asesoría de Bibliotecas escolares)
O Equipo da Biblioteca coa colaboración dos demais Equipos que funcionan no centro teñen preparadas unha selección de actividades para esta semana e a vindeira, Programa que  ofreceremos  na seguinte entrada.
Mentres unhas cousiñas compartidas da rede.

E a dirección dun blog con moitas lecturas para o noso alumnado: contos e cancións con pictogramas





ÁNIMO E A COMEZAR O TRIMESTRE LENDO!!
Perico e Piruleta agardan no Recuncho a visita de toda a Comunidade Educativa!!



luns, 21 de abril de 2014

XOGAMOS NO XIMNASIO

As mañás dos venres son unha auténtica ledicia para o alumnado máis novo do Centro, a mestra de educación física prepáralles uns circuítos con recorridos moi estimulantes e divertidos.
A continuación unha mostra destas actividades:



DISFRUTAMOS MOVENDONOS EN FISIOTERAPIA

A continuación unha mostra do traballo do alumnado coas fisioterapeutas do Centro:

RESUMO TAREFAS TALLERES 2º TRIMESTRE

Na seguinte presentación amósase unha mostra das tarefas levadas a cabo nos talleres que funcionan no Centro ao longo do 1º Trimestre.




venres, 11 de abril de 2014

MARCHAMOS DE VACACIÓNS

Rematou o trimestre e imos de vacacións. 
Por se alguén visita o noso recuncho, deixamos uns vídeos referentes a Pascua.
BOAS VACACIÓNS!!!




venres, 4 de abril de 2014

AS NOSAS CREACIÓNS EN SANTIAGO


O pasado día 27 de marzo celebrouse en Santiago o encontro de Bibliotecas Escolares que forman parte do Plan de Mellora. Acudiu a este encontro a nosa Directora, como representante, e levou os libros creados polo noso alumnado e profesorado no que levamos de curso. 
Os nosos libros son moi especiais, están adaptados a nosa linguaxe (sistema alfabético, signos e pictogramas), e neles non só se contan historias que axudan a nosa imaxinación, senón que son manipulativos e estimulan o noso tacto e algúns o cheiro.
Agardamos lles gustasen moito e puidesen disfrutar deles igual que facemos nos.


xoves, 3 de abril de 2014

SABEMOS DE AUTISMO?

"Sabemos de Autismo?", este foi o noso lema hoxe día 2 de abril, Día da concienciación sobre Autismo e tamén do Libro Infantil, por este motivo a nosa biblioteca non só conta con libros especificos para este alumnado, senón que o profesorado encárgase de adaptar e crear contos con texturas, pictogramas, lengua de signos, cando menos un por trimestre. e aínda que xa se van publicando as fotos neste blog, durante a semana do Libro van estar expostos.
No CEE Miño contamos entre o noso alumnado cun número importante, case a metade,con Autismo. Por iso hoxe quixemos sumarnos a esta celebración cun pequeno acto no centro.
Coa colaboración da titora da Aula 4, que pintou a base do mural, no que despois, por aula,s o alumando foi estampando as súas mans, de cor azul, dentro da silueta do globo correspondente ao seu Ciclo; e unha vez rematado o proceso da estampación, o mural quedou exposto na praza das Pombas onde fixemos unha foto comunitaria antes de baixar ao comedor.
A continuación a mostra deste evento.


Deixamos tamén o vídeo da Federación  Autismo Andalucia, que ten relación co noso lema: