TALLER SENSACIÓNS

O PASADO DÍA 10 DE MAIO, COMO ACTIVIDADE FIN DE PROXECTO: "SABELA NA CASA DA AVOA",  LEVOUSE A CABO UN TALLER DE SENSACIÓNS, QUEDANDO AGRUPADAS EN CATRO RECUNCHOS, UN CON SABORES, OLORES E TEXTURAS CON FROITAS E VERDURAS, RELACIONADAS COA COCIÑA E HORTA; OUTRO CON OLORES E TEXTURAS CON COLONIAS, CREMAS, XABÓNS, ESPUMAS, PEINES, E ESPONXAS, RELACIONADAS CO BAÑO; OUTRO CON DISTINTOS TACTOS CON PELUCHES E TEAS, RELACIONADOS CO DORMITORIO; E POR ÚLTIMO UN DE OLORES E TEXTURAS CON PRANTAS AROMÁTICAS E FLORES, RELACIONADAS CO XARDÍN.
O ALUMNADO FOI ROTANDO POLOS CATRO RECUNCHOS AO LONGO DA MAÑÁ.
A CONTINUACIÓN, COMA SEMPRE, UNHA REPORTAXE DESTA ACTIVIDADE PARA A LEMBRANZA.

Taller de sensacións 18

ACTO CELEBRACIÓN LETRAS GALEGAS

O PASADO DÍA 16 DE MAIO LEVOUSE A CABO, COMO XA ESTABA ANUNCIADO NO PROGRAMA, O ACTO DE CELEBRACIÓN DAS LETRAS GALEGAS; PRESENTADO POLA MESTRA DE EDUCACIÓN FÍSICA, NO PAPEL DE SABELA, PROTAGONISTA DO PROXECTO DESTE CURSO: "SABELA NA CASA DA AVOA". 
PRIMEIRO PROXECTOUSE O VÍDEO CUNHA BIOGRAFÍA ADAPTADA DA AUTORA, MARÍA VICTORIA MORENO.
A CONTINUACIÓN CADA AULA COLOCOU A PÁXINA CORRESPONDENTE PARA, ENTRE TODOS, CREAR O CONTO "SABELA E OS SEUS AMIGOS NA FESTA DO FAIADO".
LOGO, PROXECTOUSE A VÍDEO-MONTAXE COAS PÁXINAS DO CONTO E AS FRASES LIDAS POLO ALUMNO KEVIN PAZ.
REMATOUSE O ACTO A RITMO DA MUIÑEIRA DE BEARIZ TOCANDO E BAILANDO.

LETRAS GALEGAS 2018

PROGRAMA LETRAS GALEGAS

MAÑÁ, DÍA 16 DE MAIO, NUN PEQUENO ACTO CELEBRARASE O DÍA DAS NOSAS LETRAS. ESTE ANO DEDICADO A MARÍA VICTORIA MORENO, DA QUE SE FIXO UNHA BIOGRAFÍA ADAPTADA E A PRESENTACIÓN DO LIBRO "SABELA E OS SEUS AMIGOS NA FESTA DO FAIDO". A CONTINUACIÓN O ALUMNADO DO 4º NIVEL VESTIDO CO TRAXE GALEGO , CANTAN E TOCAN "A MUÑEIRA DE BEARIZ", LOGO REMATARASE TODOS BAILANDO OUTRAS PEZAS GALEGAS DE AGRADO PARA O ALUMNADO.

TALLER DE OLORES, SABORES E TACTO

COMO REMATE DAS ACTIVIDADES DO PROXECTO DESTE CURSO, "SABELA E A CASA DA AVOA", MAÑÁ LEVARASE A CABO UN TALLER CON CATRO MESAS (PRANTAS AROMÁTICAS, COSMÉTICOS, FROITAS E VERDURAS, TELAS E PELUCHES) POLAS QUE IRÁ ROTANDO O ALUMNADO AO LONGO DA MAÑÁ DISTRIBUIDOS POR SESIÓNS E NIVEIS, COA FIN DE EXPERIMENTAR DISTINTAS SENSACIÓNS RELACIONADAS COS DISTINTOS ESPAZOS DA CASA.

DISFRUTALO A TOPE!!

RECURSOS LETRAS GALEGAS

PERICO E PIRULETA ESTIVERON A BUSCAR ACTIVIDADES SOBRE A AUTORA DESTE ANO, E ADEMAIS DO LIBRO QUE O ALUMNADO ESTÁ A TRABALLAR, "A FESTA NO FAIADO" , DEIXAN AQUÍ AS SEGUINTES IDEAS QUE OUTROS COMPAÑEIROS PUBLICARON:

RESUMO ACTIVIDADES SEMANA DO LIBRO

NA SEMANA DO 23 AO 27 DE ABRIL, SEMANA DO LIBRO, O ALUMNADO DO CEE MIÑO PARTICIPOU EN DIFERENTES ACTIVIDADES. 

O LUNS 23 COMEZOU A RUTA, NA AULA 1, O CARRIÑO LECTOR DE PERICO E PIRULETA, CUNHA SELECCIÓN DE LIBROS QUE REALIZOU O EQUIPO DE BIBLIOTECA. POR OUTRA BANDA, COMEZANDO NA AULA 10, O PANEL SABELA E A CASA DA AVOA, DO PROXECTO DESTE CURSO, TAMÉN FOI PASANDO POLAS AULAS PARA REPASAR TODO O VOCABULARIO E TEXTURAS TRABALLADAS AO LONGO DO CURSO.

E O VENRES 27, COMO REMATE, ORGANIZOUSE POR NIVEIS O VISIONADO DO VÍDEO DO NOSO CONTO DIXITAL "SABELA E A CASA DA AVOA", ADEMAIS DOUTRO CONTO CREADO NO OBRADOIRO EXPLORAMOS COS SENTIDOS, ONDE XA FOI PUBLICADO, https://exploramoscossentidos.blogspot.com.es/https://exploramoscossentidos.blogspot.com.es/, "ANIMAIS DA SELVA CON AROMÁTICAS" E A ADAPTACIÓN DA 1ª PARTE, CON PICTOGRAMAS DE ARASAAC E VOCES DO ALUMNADO, DO CONTO DE "SABELA E AS ZOCAS MÁXICAS".

A CONTINUACIÓN A CORRESPONDENTE REPORTAXE:

DÍA DO LIBRO 2018