DIA DA MULLER TRABALLADORA

UN ANO MÁIS , O 11 DE MARZO, CELEBRAMOS CON MOITA ILUSIÓN O "DÍA INTERNACIONAL DA MULLER TRABALLADORA".

POLO QUE, QUIXEMOS HOMENAXEAR A UNHAS CANTAS MULLERES GALEGAS ILUSTRES (XA QUE SON MOITAS) QUE DESTACARON NAS SÚAS PROFESIÓNS.

ENTÓN, NA BIBLIOTECA, OS ALUMNOS FORON VESTINDO A UNHA BONECA GRANDE COA ROUPA QUE SOEN VESTIR ESTAS MULLERES POLA SÚA PROFESIÓN:

- AULA 1: MARTA BRAÑAS (BOXEADORA).

- AULA 2: EMILIA PARDO BAZÁN (ESCRITORA).

- AULA 3: MARUJA MALLO (PINTORA).

- AULA 4: ELISA PATIÑO (AVIADORA).

- AULA 5: RITA FERÁNDEZ QUEIMADELOS (1ª ARQUITECTA).

- AULA 6: ANTONIA FERRÍN (ASTRÓNOMA).

- AULA 7: LUZ CASAL (CANTANTE).

- AULA 8: CRISTINA PATO (GAITEIRA).

- AULA 9: ELVIRA BAO (MESTRA).

- AULA 10: LUCÍA FREITAS (COCIÑEIRA).

ADEMÁIS DE VESTIR A BONECA, CADA AULA ELABOROU UN CARTEL CO NOME DA MULLER, A SÚA PROFESIÓN E UNHA FOTO DA MESMA PARA PEGALA NUN PANEL DESPOIS DE VESTIR A BONECA.

AO FINAL DO DÍA TAMÉN SE PEGARON NO PANEL AS FOTOS DA BONECA VESTIDA PARA CADA PROFESIÓN.
NOS VINDEIROS DÍAS, FARASE UN LIBRO COS CARTEIS E AS FOTOS DA BONECA, ENGADÍNDOLLE OS PICTOGRAMAS DAS PROFESIÓNS PARA USAR COMA UN RECURSO MÁIS NA BIBLIOTECA.

E, XA QUE, OS ALUMNOS INTERACTUARON MOITO COA BONECA, QUEDARÁ NO COLEXIO, XUNTO COAS DIFERENTES VESTIMENTAS, PARA QUE REALICEN ACTIVIDADES CON ELA CANDO OS MESTRES O CONSIDEREN OPORTUNO.
OS NENOS DISFRUTARON MOITO DESTA ACTIVIDADE E COÑECERON A ALGUNHAS DAS MULLERES GALEGAS MÁIS IMPORTANTES QUE CONSEGUIRON REALIZAR OS SEUS SOÑOS E, POR ISO, MERECEN O MÁIS GRANDE DOS APLAUSOS...BRAVO!!!.

DIA DE ROSALIA

COMO ESTE ANO O DÍA DE ROSALÍA, 24 DE FEBREIRO, COINCIDIU CO ENTROIDO, NO COLEXIO CELEBRÁMOLO O 5 DE MARZO.
PARA ESE DÍA, PERICO E PIRULETA PROPUXERON QUE, NA BIBLIOTECA, TODOS OS NENOS E NENAS (EN PEQUENOS GRUPOS) ESCOITARAN UN FERMOSO POEMA DE ROSALÍA, "LUGAR MÁIS FERMOSO NON HOUBO NA TERRA" de CANTARES GALEGOS, RECITADO POLA SÚA COMPAÑEIRA SOFÍA, QUE O FIXO XENIAL E O DISFRUTOU MOITO. 
DESPOIS PEGARON NUNHA ROSA XIGANTE AS SÚAS ROSIÑAS DE DIFERENTES TEXTURAS, FEITAS CON MOITO AGARIMO NAS SÚAS AULAS E COS SEUS MESTRES.
XA VEREDES QUE BONITA QUEDOU ESTA ROSA XIGANTE EN HONOR A ROSALÍA DE CASTRO!!!.

A VISITA DE "O CAPITÁN INCLUSIVO"

O 4 DE MARZO TIVEMOS NO COLEXIO A VISITA DO MESTRE UXÍO COS SEUS ALUMNOS DO IES PORTOVELLO DO CICLO FORMATIVO DE "ATENCIÓN A PERSOAS EN SITUACIÓN DE DEPENDENCIA" QUE VIÑERON A BIBLIOTECA A PRESENTARNOS O PROXECTO DE " O CAPITÁN INCLUSIVO". 

O PROXECTO INCLÚE UNHA SERIE DE CONTOS INVENTADOS POR ESTES RAPACES FEITOS CON DIVERSAS TEXTURAS, MATERIAIS, IMAXES E PICTOGRAMAS QUE LLES ÍAN CONTANDO AOS NOSOS NENOS.

A VERDADE É QUE LLES GUSTOU MOITO ESTA ACTIVIDADE PORQUE OS LIBROS CHAMÁRONLLE MOITO A ATENCIÓN XA QUE SON MOI VISTOSOS E INTERACTIVOS, COMO VEDES NO VÍDEO.

MOITAS GRAZAS POR CREAR MOMENTOS QUE NOS  DEIXAN VOAR A NOSA IMAXINACIÓN UN BO ANACO...