mércores, 30 de outubro de 2024

DÍA DAS BIBLIOTECAS ESCOLARES´24

Ola:o xoves, 24 de outubro ,celebramos o DÍA DAS BIBLIOTECAS ESCOLARES  e fixemos unha actividade na nosa biblioteca guiada pola nosa mascota Perico e por Violeta,que é a protagonista do libro que traballamos este curso, "Violeta ás agachadas".
Por niveis, o alumnado acompañado polo seu profesorado  e resto de profesionais foi á biblioteca para a presentación do conto e sobre o que xira o PDI deste curso: "PERICO E VIOLETA ÁS AGACHADAS".
Violeta e Perico, coa axuda de distintos alumnos e alumnas, foron lendo o conto adaptado con pictogramas e presentando unha actividade multisensorial, repasando todos os meses do ano. Foi moi divertida e disfrutamos moito!!!.
A continuación, cada aula pegou unha peza para construir un crebacabezas xigante da portada do conto. E tamén se presentou un Genially que fixo o equipo das TIC sobre o libro.
Para rematar, o alumnado do PFB e Yuri da aula 2 leron o poema co que nos agasallou Charo Golmar o curso pasado cando nos veu visitar.

FELIZ DÍA DAS BIBLIOTECAS!!!.