Ola: o 18 de decembro tivemos unha visita moi especial no cole...veu UXÍA MORÁN!!!.
"LEER É SOÑAR COS OLLOS ABERTOS" .
E vaia se soñamos hoxe tendo a Uxía facendo maxia coas palabras. Foi un pracer poder gozar dos seus contos e poder viaxar durante un anaquiño por eses mundos fantásticos!.
Grazas por poñerlle voz a todas estas historias e por deixarnos formar parte delas!.
Agardamos que o pasaras tan ben como nolo fixeches pasar a nós!!!.
Un pracer e agardámoste pronto!!!.
Ola: Este ano, para reivindicar o DÍA INTERNACIONAL DAS PERSOAS CON DISCAPACIDADE, fixemos unha pequena homenaxe aos deportistas paralímpicos galegos dos Xogos Paralímpicos París 2024.
No cole, os días previos e nas distintas aulas, estivemos traballando e investigando sobre varios deportistas paralímpicos galegos con algún tipo de discapacidade e logo fixemos unha montaxe nun panel con todos/as.
Organizáronse distintos xogos en tres espazos do cole, polos que o alumnado foi rotando e foi unha xornada moi divertida. Os nosos "Deportistas de Velle" déronno todo e ao final conseguiron as súas medallas.
Como a inclusión é cousa de todos/as, grazas por facela posible!
Recordade sempre que: "As vosas CAPACIDADES sempre serán máis grandes que calquera discapacidade"
Ademáis, para seguir coa celebración deste día, o 5 de decembro vivimos unha mañá moi diferente, foi unha experiencia difícil de esquecer...A primeira convivencia entre os dous Centros de Educación Especial que hai na cidade de Ourense.
Cantas emocións compartidas!!!
Foi un éxito!!!
Os compañeiros/as do CEE O Pino chegaron sobre as 10:35 e no noso centro organizáronse tres actividades polas que foron pasando todos/as en pequenos grupos:
1. Percorrido polas instalacións do centro e visita dalgunhas aulas.
2. Circuito no patio.
3. Merenda no apartamento.
Foi unha gran experiencia que nos gustaría repetir axiña!!!
Moitas grazas por facelo posible!!!.
Ola: O 8 de novembro fixemos unha bonita e divertida festa no cole para celebrar o MAGOSTO.
Festexámolo, despois do recreo, para compartir e gozar cos nosos compañeiros cunha fogueira, castañas, castañeira, xogos populares, piñatas, música e moito baile!!!.
VIVA O MAGOSTO E O SAN MARTIÑO!!
Ola:O día 6 de xuño tivemos un marabilloso "Encontro coa autora Charo Golmar" que veu acompañada do músico Manoele de Felisa.
Neste encontro mostrámoslle á autora as actividades que fixemos cos seus libros "Nobelo de Luz" e "No bico do vento" ao longo de dous cursos.
Ademáis, Manoele de Felisa acompañado polo noso mestre de Música, Juanjo, e polos alumnos, animaron o encontro musicando os poemas da autora.
E, aproveitando a visita da autora ao noso cole, presentamos este fantástico traballo realizado polos alumnos e alumnas sobre o "Magosto". Nel transportáronse ao ambiente do Magosto e do outono que Charo Golmnar plasma nos seus poemas no conto "No bico do vento", que nos acompañou como liña temática deste curso. Son uns verdadeiros artistas!.
Manoele de Felisa tamén nos amenizou o encontro cunha pequena improvisación que desfrutamos moito.
E, para rematar, o noso alumnado fíxolle unha entrañable entrevista a Charo Golmar na nosa biblioteca.
CHARO GOLMAR, FOI UN INMENSO PRACER QUE COMPARTIRÁS CON NÓS ESTOS MOMENTOS TAN MARABILLOSOS.
SEMPRE QUEDARÁS NOS NOSOS CORAZÓNS.
MOITAS GRAZAS POR TODO!!!.
- Un Photocall
do avatar de Luisa Villalta e o alumnado tamén se caracterizou da autora con pelucas, roupa variada,…
- Para relacionalo coa
cidade marítima (A Coruña) onde naceu a autora, houbo dous recipientes grandes de plástico, un con auga e espuma onde se botaron
uns barquiños cunha palabra clave relacionada coa biografía da autora; e, no segundo recipiente, púxose area.
- Para rematar, colocouse unha mesa con diversos instrumentos musicais porque a autora era violinista.
Esperamos que disfrutedes do vídeo!!!
Ola: este ano para celebrar os Maios fixemos, en relación co poema "Primavera" do libro "No bico do vento", unha fermosa gaiola para uns paxariños moi especiais que fixeron os nosos alumnos.
Mirade que bonito nos quedou o noso Maiio!!!
Ola: A semana do 18 ao 22 de marzo realizamos dúas actividades para conmemorar o DÍA DA POESÍA, DA ÁRBORE, DA AUGA E DA PRIMAVERA.
Por unha banda, coa axuda do profe Ramón e o alumnado do PFB de Xardinería, apadriñamos distintas especies de árbores que temos nos arredores do centro. Logo dun sorteo, cada aula decorou un canto rodado e saiu a identificar e colocar a súa pedra na árbore correspondente.
Os rapaces e rapazas do PFB aínda van seguir identificando e colocando máis cantos rodados a outras especies que temos no centro.
Por outro lado, fixemos outra actividade moi bonita: "LIBERAR UN POEMA" que consistiu en compartir uns poemas cos compañeiros e compañeiras do cole CEE Santa María (Lugo).
Como veredes no vídeo, nos enviámoslles unha gaiola cargadiña de poesía e eles fixeron o mesmo, unha vez no centro o alumnado do PFB encargouse de ir polas distintas aulas dándolles aos alumnas e alumnos a escoller un poema para posteriormente lérllelo.
MOITAS GRAZAS a todos e todas os que fixestes posible as actividades!!!
Ola: desde o Equipo de Actividades Extraecolares e Complementarias, propuxeron celebrar o 8 de Marzo, DÍA DA MULLER, desde Radio Velle realizando unha serie de entrevistas para coñecer un pouco máis as nosas compañeiras e os diferentes traballos que desenvolven no día a día no noso cole: coidadoras, cociñeiras, equipo médico, fisioterapia, equipo directivo e mestras, como non...
Esperamos deste xeito coñecelas un pouquiño mellor e a través deste video valorar e agradecer o moito que nos axudan no cole.
Ola: O venres, 23 de febreiro, celebramos na biblioteca do centro o DÍA DE ROSALÍA, facendo un quebracabezas do retrato de Rosalía de Castro nun obradoiro de pintura coa técnica dos sprays.
Ao longo da semana, nas aulas, tamén fixemos marcapáxinas e pintamos retratos da escritora, que colocamos o día da celebración nun panel mentres algúns alumnos lían versos sobre as árbores favoritas de Rosalía de Castro.